Doria Bartès mencòna d'unes remèdis vièlhs, que teniá de la siá familha. Parla atanben de la Barralièira de Mazamet, que la gariguèt del mal carbon (lo seu paire èra anat a las Indas que ne portèt lo secret, e lo donèt a sa filha); I aviá tanben de mercands d'escorpions gris que passavan pels ostals. Lo mond se ne servissián per far de remèdis, en los metent vius dins un botelhon d'òli, amb de sal e de tabat.